Cəmiyyət o vaxt xoşbəxt sayılır ki, orada ailələrin əksəriyyəti xoşbəxt olur. Son dövrlər ailə məsələləri, milli-mənəvi dəyərlərimizin təbliği, onlara hörmət mövzusunda Zərdab rayonunda da tez-tez tədbirlər keçirilir, müzakirələr təşkil olunur. Zerdab.com saytının yaydığı məlumata görə, növbəti belə maraqlı tədbir, amma bir qədər baş formada rayonumuzun Gəlmə kəndində keçirilib. Belə ki, tədbirdə uzun ömürlü ailələrin nümayəndələri – ağsaqqallar, ağbirçəklər gənc ailələrlə görüşərək onlara öz məsləhətlərini, tövsiyələrini veriblər. Məlumat üçün bildirək ki, rayonumuzda bu səpgili tədbir ilk dəfədir keçirilir. Görüşdə hər iki tərəfin təşəbbüsü ilə son dövrlər ailə mövzusunda aktual olan məsələlər müzakirə edilib.
Tədbirdə Gəlmə kənd tam orta məktəbinin direktoru Gülağa İsgəndərov, Rayon İcra Hakimiyyətinin nümayəndəsi Lalə xanım, Zərdab rayon Gənclər və İdman İdarəsinin nümayəndəsi Bahar Qurbanova və Rayon Təhsil Şöbəsinin müdiri Baba Babayev də iştirak və çıxış etdilər.
Zerdab.com
