Zərdab Rayon Təhsil Şöbəsi Heydər Əliyev Mərkəzində “Heydər Əliyev Zərdab məktəblilərinin gözü ilə” mövzusunda konfrans keçirib. Ulu öndərin heykəli önünə tər çiçəklər qoyulduqdan sonra konfrans öz işinə başlayıb. Yığıncağı giriş sözü ilə Rayon Təhsil Şöbəsinin müdiri, filologiya elmləri doktoru Baba Babayev açaraq ulu öndərin həyat və fəaliyyəti haqqında məlumat verib. Baba Babayev həmçinin xatirələrini tədbir iştirakçılarının diqqətinə çatdırıb.
Şəhər 3 saylı tam orta məktəbin X sinif şagirdi Elçin Muradlı ulu öndərin həyatı haqqında məruzə edib. Yığıncaqda Rayon İcra Hakimiyyəti başçısının müavini Rəhman Feyzullayev ümummilli liderin təhsilə qayğısından söhbət açaraq xatirələrini danışıb. Konfransın sonunda məktəblilərin hazırladıqları kompozisiyalar konfransı daha da rövnəqləndirib.
Seymur Tağıyev
Zerdab.com
