Zərdab rayonunda voleybol idman növü üzrə böyüklər arasında çempionat keçirilib. www.zerdab.com saytının məlumatına görə, çempionat “5 mart bədən tərbiyəsi və idman günü” münasibəti ilə gerçəkləşdirilib. Şəhər 2 saylı orta məktəbin idman zalında keçirilən və 5 gün davam edən çempionatda ümumilikdə 10 komanda mübarizə aparıb. Yarışda I yeri Məhsul KKİC-nin rayon şurasının, II yeri Dəkkəoba kənd, III yeri Yuxarı Seyidlər kəndinin voleybol komandaları tutublar. Qaliblərə Rayon Gənclər İdman İdarəsinin diplom və kubokları təqdim olunub.
