Cari ildə Zərdab rayonunda 778 hektarda çiyid səpilib. www.zerdab.com saytına verilən məlumata görə, əkin daha çox Bəyimli qəsəbəsində, Aşağı Seyidlər və Şəftəhal kəndlərinin ərazilərində aparılıb. Artıq tarlalarda kompleks becərmə tədbirləri başa çatdırılır. Pambıq əkinlərinə axırıncı su verilir, cərgəaralarına kultivasiya çəkilir. Mütəxəssislər bu mövsümdə tarlalardan ən azı 1200 ton pambıq yığılacağını proqnozlaşdırırlar. Təxminən 20-25 gündən sonra yığıma başlanacaq. Kəndlilər ağır zəhmət bahasına yetişdirdikləri məhsulun itkisiz yığılması, qurudulması və zavoda göndərilməsi üçün indidən tədbirləri davam etdirirlər.
www.zerdab.com
