Azərbaycan milli mətbuatının banisi, görkəmli ictimai xadim, böyük maarifpərvər, pedaqoq və təbiətşünas alim Həsən bəy Səlim bəy oğlu Zərdabinin (Məlikovun) 170 illiyi, Milli mətbuatımızın 137-ci ildönümü münasibəti ilə www.zerdab.com saytı yenilik edib. Belə ki, Həsən bəy Zərdabinin doğulub boya-başa çatdığı bölgəni təmsil edən www.zerdab.com saytı ilk dəfə olaraq görkəmli mütəfəkkirin ailə albomunu hazırlayıb. Ailə albomunda Zərdabinin, onun ailə üzvlərinin, yaxınlarının fotoları bir arada cəmlənib. Onlardan sizlərə bəlli olanı da var, olmayanı da. İnanırıq ki, bu albom istər indi, istərsə də, gələcəkdə dahi ziyalı ilə bağlı aparılan araşdırmalar üçün layiqli mənbə olacaq. Gələcəkdə albomun yeni və fərqli şəkillərlə daha da zənginləşdirilməsi nəzərdə tutulur. Albomun yaradılmasında məqsəd Həsən bəy Zərdabi və onun ailə üzvlərinin şəkillərini bir yerə toplamaqdır. İndiyədək belə bir albom mövcud deyildi.
