Zərdab rayonunda taxıl biçini kampaniyasi müvəffəqiyyətlə başa çatıb. www.zerdab.com saytına verilən məlumata görə, rayon üzrə 15 min 151 hektar sahədən 39 min 49 ton məhsul götürülüb.
Biçin kampaniyasında 40-dək texnika cəlb olunmuşdu. Builki mövsümdə hər hektardan orta hesabla 25,8 sentner taxıl istehsal edilib. Bu göstərici ötən ildəkindən 2,4 sentner çoxdur. Bir sıra ərazi vahidlərində, o cümlədən Körpükənddə, Bəyimlidə, Alcanlida, Bıçaqçıda taxılçılar daha yüksək məhsuldarlığa nail olublar. Həmin ərazilərdə zəmilərin məhsuldarlığı 28-30 sentnerə çatıb.
www.zerdab.com
