“Yaşıl dünya naminə həmrəylik ili” çərçivəsində Zərdab rayonu ərazisində keçirilən silsilə tədbirlər davam etdirilir.
Zerdab.com xəbər verir ki, həmin tədbirlər çərçivəsində rayon ərazisindən keçən magistral avtomobil yollarının kənarlarında rayon icra hakimiyyəti tərəfindən ağacəkmə aksiyaları keçirilir.
Bu gün rayon ərazisində keçirilən növbəti ağacəkmə aksiyasında Ucar-Zərdab-Ağcabədi magistral avtomobil yolunun kənarında 2500 ədəd müxtəlif növ ağaclar əkilib.
Ağacəkmə aksiyasında rayon rəhbərliyi, rayon icra hakimiyyətinin, rayonda fəaliyyət göstərən idarə, müəssisə və təşkilatların əmək kollektivlərinin üzvləri, rayon polis şöbəsinin əməkdaşları, ictimaiyyət nümayəndələri olmaqla 300 nəfərə qədər rayon sakini iştirak edib.
Əkilmiş ağaclara aqrotexniki qulluq göstərilib. Bu istiqamətdə işlər davam etdirilir.
Zerdab.com
