![zerdab-tedbir zerdab-tedbir.png](https://www.zerdab.com/wp-content/uploads/2024/06/zerdab-tedbir-696x460.jpg)
Zərdab rayonunda Dövlət Qulluqçularının Peşə Bayramı Günü qeyd edilib.
Zerdab.com saytı xəbər verir ki, əvvəlcə rayonun idarə, müəssisə və təşkilatlarında çalışan dövlət qulluqçuları ümummilli lider Heydər Əliyevin abidəsi önünə gül-çiçək dəstələri qoyublar. Dövlət Qulluqçularının Peşə Bayramı günü münasibətilə təşkil olunan toplantıda Zərdab Rayon İcra Hakimiyyətinin başçısı Mərdan Camalzadə çıxış edərək iştirakçıları bu münasibətlə təbrik edib.
Qeyd olunub ki, bu gün sürətlə inkişaf edən Azərbaycanın beynəlxalq aləmdə öz nüfuzunu möhkəmləndirməsi ümummilli lider Heydər Əliyevin dövlət idarəetmə sistemində həyata keçirdiyi islahatlardan başlayıb. Prezident İlham Əliyevin bu islahatları qətiyyətlə davam etdirməsi sayəsində ölkəmizin qüdrəti gündən-günə artmaqdadır. Tam əminliklə demək olar ki, respublikamızda müasir tələblərə cavab verən dövlət idarəetmə sistemi qurulub, hakimiyyətin bütün qollarının funksiyaları dəqiq müəyyənləşdirilib, vətəndaşların hüquq və azadlıqlarının qorunması və həyata keçirilməsi üçün zəruri təsisatlar yaradılıb. İcra başçısı çıxışında müəssisələrdə çalışan dövlət qulluqçularının rayonun sosial-iqtisadi və mədəni inkişafına çox böyük töhfələr verdiklərini qeyd etmişdir.
Tədbirdə Rayon İcra Hakimiyyəti Başçısının Məmmədqasımlı kənd İƏD üzrə nümayəndəsi Mətləb Müzəffərov və Qoruqbağı kənd İƏD üzrə nümayəndəsinin müavini Vahid Xəlilov rayonun ictimai həyatında fəal iştirak etdiklərinə görə Fəxri Fərmanla təltif olunmuşlar. Çıxış edən dövlət qulluqçuları onların əməyinə verilən yüksək qiymətə görə ölkə rəhbərliyinə minnətdarlıqlarını bildiriblər.
Tədbirdə həmçinin barama mövsümündə ən yüksək məhsuldarlıq əldə edən kümçülər də mükafatlandırılıb.
Belə ki, barama mövsümünün əvvəlində əslən Zərdab rayonundan olan ictimai fəal Ramil Mehdiyevin vəd etdiyi pul mükafatları Zərdab Rayon İcra Hakimiyyətinin başçısı tərəfindən ipəkqurdunun bəslənməsi və yüksək məhsuldarlığı ilə seçilən kümçülərə təqdim olunub. Onlara bu sahədə gələcək fəaliyyətlərində daha böyük uğurlar arzulanıb.
Qeyd edək ki, Hər il olduğu kimi, Zərdab rayonu bu il də barama tədarükü sahəsində Respublikada birinci olub.Belə ki, 2024-cü ilin məhsulu üçün 820 qutu ipəkqurdu toxumu kümçülərə paylanılıb, 40 tondan çox yaş barama emal müəssisəsinə təhvil verilib. İpəkqurdunun bəslənməsi və yüksək məhsuldarlığı ilə seçilən kümçülərə Rayon İcra Hakimiyyətinin başçısı tərəfindən pul mükafatları təqdim olunub. Onlara bu sahədə gələcək fəaliyyətlərində daha böyük uğurlar arzulanıb.
![](https://qafqazinfo.az/uploads/1719050171/1.jpg)
![](https://qafqazinfo.az/uploads/1719050171/2.jpg)
![](https://qafqazinfo.az/uploads/1719050171/3.jpg)
![](https://qafqazinfo.az/uploads/1719050171/7.jpg)
![](https://qafqazinfo.az/uploads/1719050171/6.jpg)
![](https://qafqazinfo.az/uploads/1719050171/5.jpg)
![](https://qafqazinfo.az/uploads/1719050171/4.jpg)