Zərdab Peşə Liseyində ilkə imza atılıb.
Liseyin tələbəsi, rayoun İsaqbağı kənd sakini Musayeva Laçın Sədrəddin qızının (Laçın Zərdablı) “Düşüncə” adlı kitabının təqdimat mərasimi baş tutub.
Zerdab.com saytı xəbər verir ki, mərasimdə ilk öncə Vətən uğrunda canını fəda etmiş şəhidlərimizin xatirəsi anılıb.
Tədbiri giriş sözü ilə açan Zərdab Peşə Liseyinin direktoru Rauf Məlikov belə bir kitabın təqdimatının Zərdab rayonunun mədəni həyatında önəmli olduğunu vurğulayaraq, müəllifə uğurlar arzulayıb. Bunun bütün rayon ictimaiyyəti, xüsusilə də gənclər üçün böyük əhəmiyyət daşıdığını bildirib.
Təqdimat mərasimində çıxış edən müəllif Laçın Zərdablı kitab haqqında geniş məlumat verərərək, öz poeziya səhifələrini qonaqlara vərəqləyib. Müəllif bu kitabda əməyi olan hər kəsə, Liseyin kollektivinə, tələbə yoldaşlarına, ailə üzvlərinə və nəhayət, kitabın ideya müəllifi olan Pəri Əliyə öz dərin minnətdarlığını bildirib.
Mərasim qonaqların çıxışları ilə davam edib.
Zerdab.com
