Millət vəkilimiz Jalə Əliyeva növbəti dəfə Zərdab rayonunda Heydər Əliyev Mərkəzində qəbul keçirib.
Zerdab.com saytına verilən məlumata görə, qəbulda 30 nəfər Zərdab sakininin müraciətləri dinlənilib.
Müraciətlərin bir hissəsi yerindəcə araşdırılıb, mümkün olan köməkliyin göstərilməsi üçün əlaqədar qurumlarla telefon danışığı aparılıb.
Bəzi məsələlərlə bağlı deputata yazılı müraciət edilməsi tövsiyə olunub.
Səhər saat 10-da Ulu Öndər Heydər Əliyevin heykəli önünə gül-çiçək dəstələrinin düzülməsi ilə başlanan qəbul saat 15:00-a qədər davam edib.
Qəbulda Zərdab rayon İcra Hakimiyətinin şöbə müdiri Zinhar Bayramov və Aran Regional Məşğulluq filialının Zərdab rayon xidmət şöbəsinin müdiri Şəhriyar Şükürzadə iştirak ediblər.
