Zəlzələlərin tədqiqatı bürosunun məlumatına əsasən yerli vaxtla saat 06:56-da Zərdab stansiyasından 17 km qərbdə Zərdab-Bərdə sərhədində zəlzələ qeydə alınıb.
Bu barədə Zerdab.com Azərbaycan Milli Elmlər Akademiyası nəzdində Respublika Seysmoloji Xidmət Mərkəzinə istinadən xəbər verir.
Qeyd edilir ki, yeraltı təkanlar 3 maqnitudada qeydə alınıb. Zəlzələ ocağı 30 kilometr dərinlikdə yerləşib.
Yeraltı təkanlar hiss olunmayıb.
Qeyd edək ki, oktyabrın 5-də Zərdab stansiyasından 19 kilometr qərbdə – Zərdab-Bərdə sərhədində maqnitudası 4.2 olan zəlzələ baş vermişdi.
Azərbaycan Milli Elmlər Akademiyası nəzdində Respublika Seysmoloji Xidmət Mərkəzindən bildirilmişdi ki, yeraltı təkanlar həmin yerli vaxtla saat 10:56-da qeydə alınıb.
Ocağı 33 kilometr dərinlikdə yerləşən zəlzələ episentrdə 4, yaxın ətraf rayonlarda 4-3 bala qədər hiss olunmuşdu.
Zerdab.com
