Mərkəzi icra hakimiyyəti orqanlarının, digər qurumların rəhbərlərinin və onların müavinlərinin mart ayında şəhər və rayonlarda vətəndaşların qəbulu cədvəli açıqlanıb.
Zerdab.com saytı cədvələ istinadən xəbər verir ki, mart ayında 3 dövlət qurumunun rəhbər şəxsləri Zərdab sakinləri ilə də görüşəcək.
Görüşün keçiriləcəyi yer və ünvanlar barədə məlumatları təqdim edirik.
Mart ayının 12-də Səfərbərlik və Hərbi Xidmətə Çağırış üzrə Dövlət Xidmətinin rəisi Arzu Rəhimov Bərdədə bu rayondan və Yevlax, Tərtər və Zərdab rayonundan olan vətəndaşlarla görüşəcək.
Mart ayının 19-da Azərbaycan Avtomobil Yolları Dövlət Agentliyinin İdarə
Heyəti sədrinin müavini Əvəz
Qocayev
Zərdab rayonunda vətəndaşların qəbulunu keçirəcək.
Dövlət Gömrük Komitəsi sədrinin müavini Əsgər Abdullayev isə martın 27-də Zərdab rayonunda vətəndaşlarla görüşəcək.
Vətəndaşların qaldırdıqları məsələlər qəbulu keçirən təşkilatların səlahiyyətlərinə aid olmalıdır.
