Zərdab rayon Həsən bəy Zərdabi Muzeyində Xocalı soyqırımının 27-ci ildönümü ilə bağlı “Göynəyir sinəm, Xocalı” adlı tədbir keçirilib.
Zerdab.com saytı xəbər tədbirdə öncə Xocalı şəhidlərinin faciəsi 1 dəqiqəlik sükutla yad edilib.
Muzeyin
direktoru Vəfa Bayramova qeyd edib ki, Xocalı soyqırımı xalqımızın qan
yaddaşının ən dəhşətli səhifəsidir. İnsanlığa qarşı öz vəhşiliyinə və qəddarlığına
görə ən dəhşətli kütləvi terror hadisələrindən biri kimi tarixə düşmüş Xocalı
soyqırımının törədilməsindən 27 il keçir.
Tədbirdə çıxış edənlər qeyd ediblər ki, misli
görünməmiş vəhşiliklə həyata keçirilən bu soyqırımı XX əsrin ən dəhşətli hadisələrindən
biridir.
Tədbirdə Zərdab şəhər 1 saylı məktəb liseyinin 5-ci sinif şagirdləri Xocalı soyqrımına həsr olunmuş kompozisiya ilə çıxış ediblər.
Sonda tədbir iştirakçıları Xocalı faciəsi ilə bağlı təşkil edilmiş sərgi ilə tanış olublar.
