Əslən Zərdab rayonunun Qoruqbağı kəndindən olan, hazırda Bakı şəhəri, Binəqədi rayonu 244 saylı orta məktəbdə ibtidai sinif müəllimi işləyən Məryəm Xəlilova.
Xəlilova Məryəm Nurəddin qızı Zərdab rayonunun Qoruqbağı kəndində anadan olub. 1973-cü ildə Zərdab rayonunun Qoruqbağı kənd orta məktəbini bitirib. Ağdaş Pedaqoji Texnikomunu bitirdikdən sonra – 1975-ci ildə Zərdab rayonunun Sarıqaya kəndində 8 illik məktəbdə müəllimlik fəaliyyətinə başlayıb. Hazırda Bakı şəhəri, Binəqədi rayonu Əsəd Ələskərov adına 244 №-li tam orta məktəbdə ibtidai sinif müəllimi kimi fəaliyyət göstərir. Məryəm müəlliməyə işlərində yeni-yeni uğurlar arzulayırıq.
Öz el-obasına, doğulduğu yurda bağlı olan Məryəm müəllimə: “Həsən bəy Zərdabinin adını daşıyan bir rayonda doğulduğuma görə fəxr edirəm. Zərdabi ənənələrini yaşatmaq hər birimizin borcudur. Həsən bəy soydaşlarımızı savadlı, cəhalətdən uzaq görmək istəyirdi, bizim də borcumuz o amala xidmət etməkdir”,-deyir.
Zerdab.com
