Zərdabda avtomobil qaçıran şəxs saxlanılıb. Daxili İşlər Nazirliyinin Mətbuat Xidmətinin Bərdə regional qrupundan Zerdab.com saytına verilən məlumata görə, Zərdab rayon sakini Tərlan İsayev oktyabrın 28-də ona məxsus “İJ-27175” markalı maşının qaçırıldığı barədə RPŞ-yə məlumat verib.
Müraciətlə əlaqədar Zərdab RPŞ-də dərhal əməliyyat qrupu yaradılıb. “İsti izlərlə” və peşəkarlıqla həyata keçirilmiş əməliyyat-axtarış tədbirləri nəticəsində rayon sakini Anar Əhmədov qaçırdığı avtomobillə birlikdə saxlanılaraq istintaqa təhvil verilib.
Dindirilmə zamanı A. Əhmədov törətdiyi cinayət əməlini etiraf edib. Qaçırılmış avtomobil maddi sübut kimi götürülüb.
Faktla bağlı Zərdab RPŞ-nin istintaq bölməsində cinayət işi başlanılıb, araşdırmalar davam etdirilir.
