“Alfa” Tədris Mərkəzinin Zərdab Rayon Təhsil Şöbəsinin dəstəyi və icazəsi ilə keçirdiyi “Kompyuter nədir və ondan necə səmərəli istifadə etmək olar” mövzusunda təlim yekunlaşıb. “Alfa” Tədris Mərkəzinin rəhbəri Bağı Xəlillinin www.zerdab.com saytına verdiyi məlumata görə, təlimdə fəal iştirak edən şagirdlərə sertifikat və “Alfa” Tədris Mərkəzində güzəştli şərtlərlə oxumaq üçün “güzəşt talonları” təqdim olunub.
Bağı Xəlillinin sözlərinə görə, yaxın vaxtlarda növbəti təlimlərə start veriləcək. Belə ki, növbəti təlimlər iyun ayının sonunda “Alfa” Tədris Mərkəzinin ofisində “Dizayn” mövzusunda təşkil olunacaq. Bundan əlavə, mərkəz iyulun 11 və 12-də abituriyentlər üçün “Motivasiya və psixologiya” mövzusunda təlim keçirəcək. Təlim pulsuzdur. Təlimin məqsədi abituriyentlərin imtahanqabağı qorxu və stressden azad olmalarına kömək etməkdir. Qeydiyyat “Alfa” Tədris Mərkəzinin ofisində aparılır.
www.zerdab.com
