Zərdab rayonunda taxıl biçini kampaniyasına uğurlu start verilib. www.zerdab.com-a verilən məlumata görə, ilk günlərdən zəmilərə 23 kombayn, 25-dən çox yedəkli traktor və yük avtomobili çıxarılıb. İlkin olaraq arpa biçilir. Rayonda cari ilin məhsulu üçün 15 min 450 hektarda taxıl yetişdirilib. Bunun 4.133 hektarı arpadır. Körpükənd, Bıçaqçı, Alıcanlı və digər ərazi vahidlərində biçin kampaniyasına vaxtında başlanılıb.
Mütəxəssislər cari ildə ötən ilə nisbətən zəmilərdən daha yüksək məhsul götürüləcəyini söyləyirlər. Belə ki, keçən il hər hektardan orta hesabla 23,4 sentner taxıl istehsal edilmişdi, bu il isə bu göstəricinin azı 25 sentnerədək artacağı gözlənilir.
www.zerdab.com
