Zərdab rayonunun Çallı kənd tam orta məktəbində 20 yanvar faciəsinin 27-ci ildönümünə həsr olunmuş tədbir keçirilib. Zerdab.com saytına verilən məlumata görə, “20 yanvar – qan yaddaşımız” mövzusunda keçirilən tədbirdə iştirakçılara geniş məlumatlar verilib. Bakı şəhərində baş vermiş bu qanlı hadisənin canlı şahidlərindən bir neçəsi öz acı xatirələrini bölüşüblər. Şagirdlər qəhrəmanlıq və şəhidliyə həsr olunmuş şeirlər səsləndiriblər. Sonra tədbir iştirakciları kəndin mərkəzində şəhidlərin xatirəsinə ucaldılmış abidəni ziyarət ediblər, önünə gül dəstələri qoyublar və şəhidlərin ruhuna dualar oxuyublar.
