“Bilik günü” ərəfəsində Zərdab Rayon İcra Hakimiyyətində valideyn himayəsindən məhrum olmuş və imkansız ailələrdən olan ailələrdən olan məktəblilərlə, o cümlədən Qarabağ əlillərinin və şəhid ailələrinin uşaqları ilə görüş təşkil olunub. Zerdab.com saytına verilən məlumata görə, onların problem və qayğıları ilə maraqlanılıb. Bildirilib ki, Prezident İlham Əliyevin tapşırığı və diqqəti sayəsində imtiyazlı kateqoriyadan olan soydaşlarımıza, onların övladlarına daim diqqət və qayğı göstərilir. Təhsilləri, müalicələri, mənzil-məişət şəraitlərinin yaxşılaşdırılması və digər sosial problemlərinin həlli diqqət mərkəzində saxlanılır. Görüşdə bu kateqoriyadan olan 185 nəfər şagirdə məktəbli formaları və digər ləvazimatlar paylanıb.
Zerdab.com
