Zərdab Rayon Tarix Diyarşünaslıq Muzeyində Böyük Vətən müharibəsinin 71-ci il dönümü münasibəti ilə “Sizi unutmadı bu torpaq bu el” adlı tədbir keçirilib. Bu barədə Zerdab.com saytına Muzeydən məlumat verilib. Tədbiri Muzeyin direktoru Şahnaz Mustafayeva açaraq bildirib ki, ikinci dünya müharibəsi illərində Azərbaycan xalqı həm cəbhə bölmələrində, həm də arxa cəbhədə böyük qəhrəmanlıq və igidlik göstərib. Tədbirdə Təzə kənd ümumi orta məktəbinin şagirdləri şeirlər söyləyib, məktəbin müəllimi Lalə Məmmədova isə ətraflı çıxış edib. Sonda Sovet İttifaqı Qəhrəmanı Məlik Məhərrəmovun və naməlum Əsgərin abidəsi önünə gül dəstələri qoyulub.
Sevinc Vaqifqızı
