Zərdab rayonunun Qoruqbağı kənd 6 saylı kitabxana filialında xalqımızın ümummilli lideri Heydər Əliyevin xatirəsinə həsr olunan anım tədbiri keçirilib. Tədbirdə Yastıyol kənd 35 saylı kitabxana filialının nümayəndələri, ictimaiyyət nümayəndələri və orta məktəb şagirdləri iştirak ediblər. Qoruqbağı kənd 6 saylı kitabxananın müdiri Rəsmiyyə Əhmədova
çıxışında ulu öndər Heydər Əliyevin hakimiyyətdə olduğu bütün dövrlərdə Azərbaycan dövlətçiliyinin qorunmasında, möhkəmləndirilməsində və inkişafında misilsiz xidmətlər göstərdiyini vurğulayıb.
Kitabxanaçılar Təbəssüm Xəlilova, Rüxsarə Xəlilova, mədəniyyət işcisi Şəfəq Eyvazova çıxışlarında müasir müstəqil Azərbaycan dövlətinin memarı və qurucusu olan dahi şəxsiyyət Heydər Əliyevin adının ölkəmizin tarixinə əbədi həkk edildiyini, ümummilli liderin xatirəsinin xalqımız tərəfindən həmişə dərin ehtiramla yad olunduğunu bildirdilər.
Gülər Allahverdiyeva, Qoruqbağı kəndi,
6 saylı kitabxananın əməkdaşı.
