HƏR GÜN ƏRİYİRƏM, HƏR GÜN ÖLÜRƏM
Əl açıb göylərə yalvarıram mən,
Möhtac et özümü özümə, Allah,
Ölüm şərbətimi göndərənədək,
Dəymə ağılıma, gözümə Allah.
***
Nahaqqa düşmənəm, haqqa yançıyam,
Əyri kəslər üçün qırmanc, qamçıyam,
Sənin düz yolunda hər vaxt yolçuyam,
Qüvvət ver yazdığım sözümə, Allah
***
Sözü sözə qoşub calayram mən,
Tək sənə möhtacdı bu düz, bu çəmən.
Axirət günündə dəyişər aləm,
Qorxuram duralar üzümə, Allah.
***
Nə qədər yalançı, haqsız görürəm,
Qüssə-kədər ilə ömür sürürəm.
Hər gün əriyirəm, hər gün ölürəm,
Tabım qalmayıbdı dözümə, Allah.
Vəzir BƏLALI
Otmanoba kəndi
