Bu günlərdə Gəncə və ətraf bölgə haqqında insanları məlumatlandırmaq üçün gecexeber.com saytı istifadəyə verilib. Gencexeber.com saytında tarixi abidələr, muzeylər, tarixi hadisələr, şəhərdə görülən işlər, həyata keçirilən tədbirlər barədə məlumatlar da öz əksini tapacaq. Saytda təhsil, incəsənət, elm sahələri haqqında xəbərlər, görkəmli iş adamları haqqında məlumatlar, həmçinin, adət-ənənələr, Gəncənin tarixi günləri haqqında məlumatlar da yer alacaq. Bundan əlavə, Gəncədə sosial-iqtisadi, təhsil, mədəniyyət, səhiyyə təsərrüfat sahələrində görülən işlər barədə məlumatlar yer alacaq. Gəncənin günü-gündən inkişafı, yeni müəssisələrin tikilməsi, abadlıq işlərinə geniş yer verilməsi, əhaliyə göstərilən diqqət və qayğı haqqında bölgə sakinləri və digər vətəndaşlarımız məlumat ala biləcəklər. Texnologiyanın və sosial şəbəkələrin inkişaf etdiyi bir dövrdə Gəncə haqqında məlumat almaq üçün, sadəcə, gencexeber.com saytından istifadə etmək yetərli olacaq. Bölgədə keçiriləcək tədbirlər, bayramlar, idman, incəsənət və digər sahələr barədə videoları və şəkilləri oxucular çətinlik çəkmədən saytdan izləyə biləcəklər. Şahmurad Yusifov
