Mədəniyyət və Turizm Nazirliyinin təşkilatçılığı ilə Ağcabədi şəhərindəki Qarabağ Muğam Mərkəzində uşaq musiqi və incəsənət məktəbləri xor kollektivlərinin III respublika baxışı keçirilib. www.zerdab.com saytının məlumatına görə, baxışda Zərdab Uşaq İncəsənət Məktəbinin xor kollektivi də iştirak edib. Xor kollektivi klassik dünya musiqi nümunələri, Azərbaycan bəstəkarlarının əsərləri və xalq mahnılarını ifa ediblər. Qeyd edək ki, Uşaq musiqi və incəsənət məktəbləri xor kollektivlərinin III respublika baxışı Ağcabədi rayonu ilə yanaşı, zonalar üzrə Bakı, Gəncə, Mingəçevir, Naxçıvan, Sumqayıt, Şəki, Şirvan şəhərlərində də keçirilir.
Məqsəd respublikada zəngin xor mədəniyyətinin qorunub saxlanılması və inkişaf etdirilməsi, uşaq musiqi və incəsənət məktəblərində xor fənninin tədrisinin səviyyəsinin yüksəldilməsi, uşaqlarda kiçik yaşlarından xor sənətinə maraq oyadılması, xormeysterlərin yaradıcılıq fəaliyyətinin genişləndirilməsidir.
www.zerdab.com
