Yeni Azərbaycan Partiyası (YAP) Zərdab rayon Təşkilatı 9 oktyabrda keçiriləcək seçkilərlə bağlı təbliğat-təşviqat kampaniyası çərçivəsində rayonun Əlvənd, Otmanoba, Şahhüseynli yaşayış kəndlərində seçicilərlə görüşlər təşkil edib. Tədbiri giriş sözü ilə Yeni Azərbaycan Partiyası Zərdab rayon təşkilatının sədri Pərvin Mahmudova açıb. P. Mahmudova partiyanın qazandığı uğurlardan danışıb. Sonra söz filologiya elmləri doktoru, professor, Milli Məclisin deputatı Jalə xanım Əliyevaya verilib. Jalə Əliyeva ölkəmizdə və rayonumuzda son illər görülən işlərdən danışıb, mövcud problemlərin yaxın gələcəkdə həll ediləcəyini xüsusi vurğulayıb. Millət vəkili qeyd edib ki, Azərbaycan gənc bir dövlət olmasına baxmayaraq, qısa müddətdə çox böyük uğurlara imza atıb. Bu isə heç şübhəsiz ki, ölkəmizdə həyata keçirilən uğurlu daxili və xarici siyasətin nəticəsidir. Onun sözlərinə görə, qarşıdakı illərdə Azərbaycanın istər daxildə, istərsədə xaricdə böyük uğurlara imza atacağı artıq heç kimdə şübhə doğurmur. Tədbirdə əməkdar elm xadimi, tibb elmləri doktoru, professor, Azərbaycan Respublikası Səhiyyə Nazirliyi Milli Onkologiya Mərkəzinin şöbə müdiri İsa İsayev də çıxış edib.
Zerdab.com
