Bakıda qanunsuz mərc oyunları təşkil edən şəxs müəyyən edilib. Daxili İşlər Nazirliyinin məlumatına görə, Baş Mütəşəkkil Cinayətkarlıqla Mübarizə İdarəsi əməkdaşlarının keçirdiyi əməliyyat tədbirləri nəticəsində Bakı şəhəri Cavadxan küçəsi, ev 17-nin zirzəmisində Zərdab rayon sakini Zaur Qurbanovun futbol mərc oyunları klubu təşkil etməsi müəyyən edilib. Kluba baxış zamanı 150 manat pul, 2 ədəd noutbuk, 2 ədəd datakart, 2 ədəd televizor, üzərində “ödənilib” sözü yazılmış 1 ədəd ştamp, 8 ədəd reklam, 7 vərəqdə futbol proqramı və 1203 manat dəyərində kuponlar aşkar edilərək götürülüb.
