Azərbaycan Dövlət Gənc Tamaşaçılar Teatrı bölgələrə qastrol səfərinə yola düşüb. Teatrdan Zerdab.com saytına verilən məlumata görə, kollektiv ənənəvi olaraq yay məzuniyyətinə çıxmazdan əvvəl bölgələrdə yaşayan tamaşaçıların görüşünə gedib. Yaradıcı heyət M. F. Axundzadənin “Hekayəti xırs quldurbasan” komediyası ilə Zərdab rayonundada çıxış edəcək. Əsas rolları əməkdar artistlər Nübar Novruzova, Gülər Nəbiyeva, Leyli Vəliyeva, Qurban İsmayılov, Nofəl Vəliyev, Vahid Əliyev, Şövqi Hüseynov, aktyorlar Asya Atakişiyeva, Elnur Kərimov və başqaları ifa edirlər.
Zerdab.com
